پشتی چەندین گازندە ھاتینە كرن ژلاێ وان كەسان یێن پاسپورتێن وان ھندابوین یان ھاتینە ژناڤبرن (اتلاف)كرن لدور برێڤەچونا كاروبارێن مامەلێن وان كو ئەوژی دڤێت سەرەدانا دادگەھا تایبەت یا كاروبارێن پاسپورتان لبەغدا بكەن ژبو برێڤەبرنا مامەلێن خو, ئەڤ چەندە ژی نەیا ئاسان بوو بو ھەر ھاولاتیەكی كو ڤێ رێكێ بدەتە بەرخو ژبو دەركرنا پاسپورتێ, ئەڤجا چ ژبەر كاودانێن سیاسی یان نەبونا دراڤێ پێتڤی یان ھەر ئەگەرەكا دی, ژبەر ڤێ چەندێ, پێشنیازە كو دسالا نوی دا بو ڤان جورە مامەلان پێتڤێ بوێ چەندێ ناكەت كو سەرەدانا باژێرێ بەغدا بكەن, بەلكو كا لكیژ باژێری دەست برێڤەبرنا مامەلێن خو كرینە دێ چیتە دادگەھا وی باژێری, ئانكو ئەو كەسێن مامەلێن خو لریڤەبەریا پاسپورتان لدھوكێ دەستپێكرین دێ كاروبارێن وان لدادگەھا دھوكێ ھێنە برێڤە برن, ئەڤجا چاڤەرێی بجھئینانا ڤێ بریارێینە ژلاێ رێڤەبەریا گشتی یا پاسپورتان لعیراقێ.
بەشێ راگەھاندنێ لرێڤەبەریا پاسپورتێن دھوكێ http://www.krgpod.com/news.php?type=single&id=10 11:26 - 2011/12/26 ل روژا ئێك شه‌مبی رێكه‌فتی 10/10/2010 شانده‌كێ پێكهاتی ژ به‌رێز لیوا (یاسین طاهر الياسري) رێڤه‌به‌رێ گشتی یێ ره‌گه‌زنامه‌ وسه‌فه‌رێ ل عیراقێ، وبه‌رێز لیوا (نزار رحمة الله عزيز) رێڤه‌به‌رێ گشتی یێ ره‌گه‌زنامه‌ وسه‌فه‌رێ ل هه‌رێما كوردستانێ، وبه‌رێز عه‌مید (نشأت ابراهيم الخفاجي) رێڤه‌به‌رێ گشتی یێ كاروبارێن پاسپورتان ل عیراقێ وچه‌ندین كه‌سانێن دی یێن پسپور دڤی بواری دا سه‌ره‌دانا رێڤه‌به‌ریا مه‌ كرن.

دڤێ سه‌ره‌دانێ دا باسێ برێڤه‌برنا كارێ ده‌ركرنا پاسپورتان ل رێڤه‌به‌ریا مه‌ هاته‌كرن وچه‌ندین ئاریشێن كاری هاتنه‌ گه‌نگه‌شه‌كرن وهنده‌ك ژوان ئاریشان تا راده‌كی هاتنه‌ چاره‌سه‌ركرن .

ژلایه‌كێ دی ڤه‌، ده‌ست خوشی لرێڤه‌به‌ریا مه‌ هاته‌ كرن ژ ئه‌نجامێ برێڤه‌برنا كاری بشێوه‌یه‌كێ سه‌ركه‌فتی لسه‌ر هندێ را كو گه‌له‌ك ئاریشه‌ هه‌بوون وتا نوكه‌ ژی هنده‌ك ژ وان ئاریشان دبه‌رده‌وامن، هه‌روه‌سا ده‌ست خوشی ل رێڤه‌به‌ریا مه‌ هاته‌ كرن وه‌ك باشترین رێڤه‌به‌ری ل سه‌رانسه‌ری عیراقێ كو كێمترین رێژا ژ كارئێخستنا پاسپورتان توماركریه‌، كو ئه‌ڤه‌ژی دزڤریت بو شارازایی ودلسوزی یا كارمه‌ندێن رێڤه‌به‌ریا مه‌ دكارێ برێڤه‌برنا پاسپورتان دا. http://www.krgpod.com/news.php?type=single&id=8 08:26 - 2010/10/14 ره‌وشا رێڤه‌به‌ریا پاسپورتان ل دهوكێ روژ بو روژێ به‌ره‌ف باشتر دچیت، ژبو وێ چه‌ندێ كو پتر خزمه‌تا هاولاتیان بهێته‌ كرن ژهه‌می ئالیه‌كی ڤه‌، وژبه‌ر ڤێ چه‌ندێ، چه‌ندین سوپاسی ژ دام وده‌زگه‌هێن جودا جودا بو رێڤه‌به‌ریا مه‌ هاتینه‌ وده‌ست خوشی ل رێڤه‌به‌ریا مه‌ كرینه‌.

هنده‌ك ژوان سوپاسیان ئه‌ڤێن لخوارێ دیاری نه‌:-

1- پارێزگه‌ها دهوكێ.2- رێڤه‌به‌ریا گشتی یا ره‌گه‌زنامه‌ وسه‌فه‌رێ ل عیراقێ.3- رێڤه‌به‌ریا گشتی یا ره‌گه‌زنامه‌ وسه‌فه‌رێ ل هه‌رێما كوردستانێ.4- وه‌زاره‌تا ئه‌وقاف وكاروبارێن ئاینی.5- (الهيئة العليا للحج والعمرة) http://www.krgpod.com/news.php?type=single&id=7 08:22 - 2010/10/14 هه‌ر هاولاته‌یكێ سه‌ره‌دانا رێڤه‌به‌ریا مه‌ بكه‌ت ژبو برێڤه‌برنا مامه‌لێن پاسپورتێن پیتا (A)، پێتڤی یه‌ چه‌ند خالان لبه‌رچاڤ وه‌ربگریت ژبو وێ چه‌ندێ كو كار بشێوه‌كێ رێك وپێك برێڤه‌ بچیت ونه‌بیته‌ ئه‌گه‌رێ گیرو بوونێ یان راوه‌ستاندنا مامه‌لێ ژبه‌ر هه‌ر كێماسیه‌كا دمامه‌لێ دا.

ئه‌ڤێن لخوارێ دیاركری چه‌ند خالێن گرنگن ژبو هه‌ر هاولاتیه‌كی كو سه‌ره‌دانا رێڤه‌به‌ریا مه‌ بكه‌ت ژبو برێڤه‌برنا مامه‌لا پاسپورتا پیتا (A):-

1- دڤێت ناسناما بارێ شارستانی (هوية أحوال مدنية) دگه‌ل خو بینیت ومێژوویا ده‌ركرنا وێ ژ 10 سالان پتر نه‌بیت، هه‌روه‌سا وێنه‌ پێڤه‌ بیت ویێ ره‌نگاوره‌نگ بیت.

2- دڤێت نه‌ژادناما عیراقی (الشهادة الجنسية) دگه‌ل خو بينيت، وئه‌گه‌ر ژیێ خودانێ / خودانا مامه‌لێ كێمتر بیت ژ 6 سالان ونه‌ژادناما عیراقی نه‌بیت، دڤێت نه‌ژادناما بابێ دگه‌ل بیت.

3- دڤێت پلێتا ئاهێن خارنێ (البطاقة التموينية) دگه‌ل خو بینیت ودڤێت ناڤێ خودانێ / خودانا مامه‌لێ دپلێتێ دا هه‌بیت، وئه‌گه‌ر ئه‌ف پلێته‌ نه‌یا پارێزگه‌ها دهوكێ بیت ، دڤێت پشتگیریه‌كا ئاكنجیبونێ دگه‌ل خو بینیت، ودڤێت ئه‌و پشتگیری یا دگه‌ل خو دئینیت، بزمانێ عه‌ره‌بی هاتبیته‌ نڤێسین، وهه‌روه‌سا دڤێت هاتبیته‌ په‌سه‌ندكرن ژلایێ ئێك ژقه‌زایێن سه‌ر بپارێزگه‌ها دهوكێ ڤه‌.

4- دڤێت 4 وێنێن ره‌نگاوره‌نگ دگه‌ل خو بینیت، وبه‌گره‌واندێ وان (الخلفیة) یێ سپی بیت، ومێژوویا گرتنا وێنان ژ 3 هه‌یڤان پتر نه‌بیت.

5- دڤێت سه‌میانێ خودانێ / خودانا مامه‌لێ ئاماده‌بیت ئه‌گه‌ر ئه‌ف مه‌رجێن لخوارێ دیاركری لده‌ف هه‌بوون:-

أ- ئه‌گه‌ر خودانێ مامه‌لێ ره‌گه‌زێ نێر بیت وژیێ وی ژ 18 سالان كێمتر بیت.ب- ئه‌گه‌ر خودانا مامه‌لێ ره‌گه‌زێ مێ بیت وژیێ وێ ژ 40 سالان كێمتر بیت.

ئه‌گه‌ر خودانا مامه‌لێ ئافرت بیت ویا شویكری بیت، دڤێت هه‌فژینێ وێ بهێته‌ رێڤه‌به‌ریێ، وئه‌گه‌ر نه‌ دڤێت باب بهێته‌ رێڤه‌به‌ریێ وئه‌گه‌ر باب چوبیته‌ به‌ر دلوڤانیا خودێ، دڤێت برا بهێت وژیێ وی ژ 18 سالان پتر بیت دگه‌ل ئینانا به‌لگه‌ناما مرنا بابێ، وئه‌گه‌ر نه‌ دڤێت ده‌یك بهێت دگه‌ل ئینانا به‌لگه‌ناما پێسپێری (حجة وصاية) ژدادگه‌هێ .

لده‌مێ سه‌ره‌دانا رێڤه‌به‌ریێ ژبو برێڤه‌برنا مامه‌لێ دێ بڤی شێوێ لخوارێ دیاركری بیت:-

1- وه‌رگرتنا پسولا رازیبونا رێڤه‌به‌ریێ لسه‌ر دانا پاسپورتێ.

2- پشتی وه‌رگرتنا پسولا رازیبونێ، دڤێت چه‌كه‌كێ بكوژمێ 25000 دیناران بینیت ژبه‌نكا ره‌شید لقێ خه‌بات، كو دكه‌ڤیته‌ ته‌نشت ئاڤاهیێ رێڤه‌به‌ریا مه‌.

3- داگرتنا فورمێ وكوپیكرنا به‌لگه‌نامان (المستمسكات) وبڤی شێوێ لخوارێ دیاركری:-

أ- كوپیكرنا ناسناما بارێ شارستانی.ب- كوپیكرنا نه‌ژادناما عیراقی.ج- كوپیكرنا پلێتا ئاهێن خوارنێ.د- كوپیكرنا ناسناما سه‌میانی ئه‌گه‌ر مه‌رجێن ئینانا سه‌میانی هه‌بوون.

ودڤێت ئه‌ڤ كوپییه‌ دره‌نگاوره‌نگ بن وهه‌می بهێنه‌ كوپیكرن لسه‌ر ئێك لاپه‌ری.

4- پشتی پركرنا فورمێ وكوپیكرنا به‌لگه‌نامان، دێ چیته‌ ژورا ئه‌فسه‌رێ لێنێرینێ (ضابط التدقيق) ژبو په‌سه‌ندكرنا فورم وبه‌لگه‌نامان.

5- پشتی ژ ژورا لێنێرینێ خلاس دبیت، دێ چیته‌ هولا برێڤه‌به‌ریا مامه‌لێن پاسپورتا پیتا (A) كو هه‌می بسیسته‌مێ ئه‌لكترونی دهێته‌ برێڤه‌برن، وهه‌ر لوێرێ دێ برێڤه‌برنا مامه‌لێ بدوماهی هێت ، وهه‌روه‌سا دێ ده‌مه‌ك بو هێته‌ دیاركرن ژبو وه‌رگرتنا پاسپورتێ.

بتنێ یا مای بێژین كو هاریكاریا هه‌وه‌ دگه‌ل مه‌ دێ بیته‌ ئه‌گه‌رێ وێ چه‌ندێ كو پتر بشێین خزمه‌تا هاولاتیان بكه‌ین وكار بشێوه‌كێ ریك وپێك تر بریڤه‌ بچیت.


به‌شێ راگه‌هاندنێ لرێڤه‌به‌ریا پاسپورتان لدهوك http://www.krgpod.com/news.php?type=single&id=6 15:51 - 2010/09/03 ئه‌ف پسیاره‌ روژانه‌ دهێته‌كرن ده‌رباره‌ی ده‌رئێخستنا پاسپورتان، وبویه‌ ئاریشه‌یه‌ك ژبو وان كه‌سان ئه‌وێن سه‌ره‌دانا رێڤه‌به‌ریێ دكه‌ن، لێ كی به‌رپرسه‌ ژڤێ چه‌ندێ ؟

لده‌مێ رێڤه‌به‌ریا مه‌ ئاگه‌هداریه‌كێ دده‌ت چ برێیا ده‌زگه‌هێن راگه‌هاندنێ بیت یان برێیا مالپه‌رێ مه‌ یێ ئه‌نترنێتێ بیت، ژبو هندێ یه‌ كو كار لرێڤه‌به‌ریێ برێك وپێكی برێڤه‌ بچیت، ئه‌گه‌ر مه‌ ئاگه‌هداری یا هاولاتیان كربیت كو بتنێ نوكه‌ پاسپورت بو وان كه‌سان دهێنه‌ ده‌ركرن ئه‌وێن راپورتێن پزیشكی هه‌بن یان داخازنامه‌ (دعوة) بو ژده‌رڤه‌ی ولاتی هاتبن یان ئه‌وێن دچنه‌ سه‌فه‌رێ بمه‌ره‌ما حه‌ج وعومرێ یان حاله‌ته‌كێ فه‌ر هه‌بیت، لێ ئه‌و كه‌سێن سه‌ره‌دانا رێڤه‌به‌ریێ دكه‌ن ژسه‌دێ 50% وپتر نه‌ ئه‌وبن ئه‌وێن مه‌ ئاگه‌هداركرین وئه‌ڤ كه‌سه‌ بهێن سرایێ بگرن وببنه‌ ئه‌گه‌رێ قه‌ره‌بالغێ لرێڤه‌به‌ریێ وجهێ كه‌سه‌كی بگرن كو یێ نه‌خوش بیت، كو هه‌رچه‌نده‌ پاسپورتێ ژی ناوه‌رگریت، چونكه‌ چ ئه‌گه‌رێن مه‌ دیاركرین نینن.


لایه‌كێ دی یێ ڤێ ئاریشێ ئه‌وه‌ كو سیسته‌مێ ده‌ركرنا پاسپورتان هه‌ر ژ پركرنا فورمێ تا وه‌رگرتنا پاسپورتێ بویه‌ ئه‌لكترونی وبرێیا تورا كومپیوته‌ری دهێته‌ برێڤه‌برن كو هه‌می پارێزگه‌هێن عیراقێ دپێكڤه‌ دگرێداینه‌ بڤی سیسته‌می وسێرڤه‌ر لبه‌غدایه‌ وهه‌ر مامه‌له‌كا دهێته‌ برێڤه‌برن هه‌می به‌لگه‌نامه‌ (المستمسكات) دهێنه‌ هنارتن بو به‌غدا برێیا ڤێ تورێ ورازیبون یان نه‌رازیبون لوێرێ بو دهێتن وئه‌ڤ توره‌ برێیا هه‌یڤێن ده‌ستكرد (الأقمار الصناعیة) هاتیه‌ دروستكرن وگه‌له‌ك جاران دهێته‌ برین ژبه‌ر چه‌ند ئه‌گه‌رێن ته‌كنیكی یان چاكسازی لبه‌غدا كو لده‌مێ تور دهێته‌ برین چ بده‌ستێ مه‌ نینه‌، ئه‌ڤجا دبیته‌ ئه‌گه‌رێ هندێ كو قه‌ره‌بالغ په‌یدا ببیت وبه‌رنامێ مه‌ بهێته‌ تێكدان.

یا فه‌ر ئه‌وه‌ بێژین كو تا نوكه‌ ئه‌م یێ كاردكه‌ین وه‌ك تێست وئاریشه‌ دبه‌رده‌وامن وژبه‌ر ڤێ چه‌ندێ ئه‌م نه‌شێین چ سیسته‌ما بدانین ژبو هه‌می هاولاتییان كو بهێن بخو پاسپورتان ده‌ربكه‌ن، لێ روژ بو روژێ به‌ره‌ف باشبونێ ڤه‌یه‌ وبئانه‌هیا خودێ دێ لده‌مه‌كێ نێزیك ژبن تێستێ ده‌ركه‌ڤین ودێ كاركه‌ین ژبو هندێ كو هه‌ر هاولاتییه‌ك ببیته‌ خودان پاسپورت، چونكه‌ ئه‌ڤه‌ مافێ ره‌وا یێ هه‌ر هاولاتییه‌كی یه‌.

به‌شێ راگه‌هاندنێ لرێڤه‌به‌ریا پاسپورتان لدهوك http://www.krgpod.com/news.php?type=single&id=5 16:55 - 2010/08/22 لڤان چه‌ند روژێن بوری ره‌وشا تورا كومپیوته‌ری دناڤبه‌را رێڤه‌به‌ریا مه‌ ورێڤه‌به‌ریا گشتی یا پاسپورتان لبه‌غدا زور خراب بویه‌ وئه‌م نه‌شێین رازیبونا دانا پاسپورتان بده‌ین تا ره‌وشا تورا كومپیوته‌ری باشنه‌بیت، ئه‌ڤجا داخازێ ژ هه‌وه‌یێن به‌رێز دكه‌ین كو دهاریكاربن دگه‌ل مه‌ وسه‌ره‌دانا رێڤه‌به‌ریێ نه‌كه‌ن تا ئه‌م ئاگه‌هداریا هه‌وه‌ دكه‌ین برێیا سایتێ مه‌.
دگه‌ل رێز وسلاڤێن رێڤه‌به‌ریا پاسپورت وسه‌فه‌رێ / دهوك http://www.krgpod.com/news.php?type=single&id=4 16:47 - 2010/07/20 پشتی چه‌ندین پێكولان ژبو چاره‌سه‌ركرنا ئاریشێن تورا كومپیوته‌ری دناڤبه‌را رێڤه‌به‌ریا مه‌ ورێڤه‌به‌ریا گشتی یا پاسپورتان لبه‌غدا، روژ بو روژێ ره‌وشا ده‌ركرنا پاسپورتان به‌ره‌ف باشبونێ ڤه‌یه‌ وچه‌ندین ئاریشه‌ هاتینه‌ چاره‌سه‌ركرن، وئه‌م نوكه‌ بتنێ پاسپورتان بو وان كه‌سان ده‌ردكه‌ین ئه‌وێن راپورتێن پزیشكی هه‌بن یان داخازنامه‌ بو ژده‌رڤه‌ی ولاتی هاتبن یان كاره‌كێ زور یێ گرنگ هه‌بیت وبتایبه‌ت لڤان روژان ئه‌م یێ پاسپورتێن حه‌جیان دروست دكه‌ین وهه‌ر ده‌مێ مه‌ زانی كو دێ شێین روژانه‌ ژماره‌كا باش یا پاسپورتان ده‌ركه‌ین وبێ ئاریشه‌، ئێكسه‌ر دێ برێیا ده‌زگه‌هێن راگه‌هاندنێ ئاگه‌هداریا هه‌وه‌ كه‌ین كو سه‌ره‌دانا مه‌ بكه‌ن لدویف سیسته‌مه‌كێ دارشتی ژبو بده‌ستڤه‌ئینانا پاسپورتان، چونكه‌ هه‌ر كه‌سه‌كی ماف یێ هه‌ی ببیته‌ خودان پاسپورت. http://www.krgpod.com/news.php?type=single&id=3 16:21 - 2010/07/06 لڤان دوو روژێن چویی دا پتر ژ (250) پاسپورتان گه‌هشتینه‌ رێڤه‌به‌ریا مه‌، كو لبه‌ر بو ئه‌ڤ پاسپورته‌ بهێنه‌ ده‌ركرن وه‌ك پیتا (G)، لێ رێڤه‌به‌ریا گشتی یا پاسپورت وسه‌فه‌رێ لبه‌غدا لشوینا پاسپورتێن پیتا (G) پاسپورتێن پیتا (A) ده‌ركرینه‌ وبومه‌ هنارتینه،‌ كو تانوكه‌ ئه‌ڤ سیسته‌مه‌ نه‌ كه‌تیه‌ كاری لپارێزگه‌ها دهوكێ وچه‌ندین پارێزگه‌هێن دی لعیراقێ، كو نوكه‌ ئاماده‌كاری بو ڤی سیسته‌می دهێنه‌ كرن وبئانه‌هیا خودێ دێ لده‌مه‌كێ نێزیك هێته‌ ده‌ستپێكرن.

ژبو لێگه‌ریانێ لناڤێن خو دسایتێ رێڤه‌به‌ریا مه‌دا، چ پاسپورتێن پیتا (G) بن یان پاسپورتێن پیتا (A) بن، هیچ جێوازیه‌ك نینه‌ وهه‌ر وه‌كی به‌ری نوكه‌ دێ دلاپه‌رێ سه‌ره‌كی یێ سایتی دا شێن ڤێ چه‌ندێ ئه‌نجام ده‌ن. http://www.krgpod.com/news.php?type=single&id=2 04:48 - 2009/10/18 پشتی مه‌ بفه‌ر دیتی كاری لسه‌ر ملێن خه‌لكێ خو یێ هێژا ئاسان بكه‌ین لرێڤه‌به‌ریا پاسپورت وسه‌فه‌رێ لدهوكێ، ئه‌م رابوین بدروستكرنا ڤی مالپه‌ری كو بكه‌فته‌ دخزمه‌تا خه‌لكێ مه‌ یێ هێژا دا هه‌روه‌سا ببیته‌ پره‌ك دناڤبه‌را رێڤه‌به‌ریێ و وهه‌ڤولاتیان دا وژبه‌ر كو گه‌له‌ك كه‌س هه‌نه‌ نه‌شێن روژانه‌ سه‌را رێڤه‌به‌ریێ بده‌ن ژبو زانینا ده‌نگ وباسان لدور پاسپورتان یان زانینا ده‌ركرنا پاسپورتێن خو وهه‌روه‌سا گه‌له‌ك كارێن دی یێن گرنگ، ئه‌ڤجا هیڤی دكه‌ین ئه‌ڤ مالپه‌ره‌ ببیته‌ خزمه‌ته‌كا بچویك بو خه‌لكێ مه‌ یێ زور به‌رێز.

گرنگترین خزمه‌تێن ئاماده‌ دڤی مالپه‌ری دا:-

1- لێگه‌ریان لپاسپورتێن ژجورێ (G)
ژبو زانینا ده‌ركرنا پاسپورتا ته‌ یا ژجورێ پیتا (G) تو دشێی ناڤێ خو بنڤێسی لجهێ نڤێسینا ناڤی دلاپه‌رێ سه‌ره‌كی یێ مالپه‌ری دا ودێ بوته‌ زانیاری هێنه‌ دیاركرن لدور ده‌ركرنا پاسپورتا ته‌.

2- ده‌نگ وباسێن رێڤه‌به‌ریێ
نویترین وگرنگترین ده‌نگ وباس لدور پاسپورتان ورێڤه‌به‌ریا پاسپورتان لدهوكێ دێ هێنه‌ به‌رچاڤ كرن دمالپه‌ری دا.

3- رێنمایێن پاسپورتان
ژبو هه‌ر زانیاریه‌كێ لدور چه‌وانیا برێڤه‌برنا مامه‌لان لرێڤه‌به‌ریا پاسپورتان دێ بوته‌ هێنه‌ به‌رچاڤكرن.

4- ناڤ ونیشانێن رێڤه‌به‌ریێ
ژبو هه‌ر كه‌سه‌كی بڤێت سه‌را رێڤه‌به‌ریێ بده‌ت ژبو ئه‌نجامدانا كارێن خو هوین دشێن برێیا ناڤ ونیشانێن رێڤه‌به‌ریێ بئاسانی بهێیه‌ رێڤه‌به‌ریێ.

5- په‌یوه‌ندیێ بمه‌ بكه‌
ژبو هه‌ر پێشنیاره‌كێ یان پرسیاره‌كێ یان گازنده‌كێ هوین دشێن برێیا ڤێ خزمه‌تێ بگه‌هیننه‌ رێڤه‌به‌ریێ ودێ به‌رسڤ لسه‌ر هێته‌ دان بزویترین ده‌م.

هه‌روه‌سا چه‌ندیین خزمه‌تێن دی دبه‌ر ده‌ستن وبزویترین ده‌م دێ كه‌ڤنه‌ كاری. http://www.krgpod.com/news.php?type=single&id=1 20:06 - 2009/03/20